پاکستان کیلئے زیادہ کلین سوئپس کا ریکارڈبنانے کا موقع

پاکستان اور ویسٹ انڈیزکے در میان آج سے ملتان میں تین ون ڈے میچز کی سیریزکا آغاز ہوچکاہے جس میں پاکستان ٹیم بڑی کامیابی حاصل کرکے ون ڈے تاریخ میں سب سے زیادہ کلین سوئپ کرنے والی ٹیم بن سکتی ہے۔

موجودہ وقت میں پاکستان اور سائوتھ افریقہ کوتین یا زائد میچز کی سیریزمیں سب سے زیادہ 20،20 کلین سوئپس کرنے کا اعزاز حاصل ہے۔اگر پاکستان ٹیم ویسٹ انڈیزکیخلاف تینوں میچز جیت جاتی ہے تو پاکستان 20سے زائد کلین سوئپ کرنے والی دُنیاکی واحد ٹیم بن جائے گی۔

واضح رہے کہ ون ڈے ہسٹری میں پاکستان اور سائوتھ افریقہ نے سب سے زیادہ 20،20 نیوزی لینڈ اور ویسٹ انڈیز نے 17،17کلین سوئپس کئے ہیں۔

آسٹریلیانے 16، انگلینڈنے 15جبکہ سری لنکا اور بنگلہ دیش نے چودہ ،چودہ بار حریف ٹیم کو سیریز کا کوئی جیتنے سے محروم رکھتے ہوئے تمام میچز اپنے نام کئے ہیں۔دیگر ٹیمو ں میں بھارت نے بارہ، زمبابوے نے پانچ،آئرلینڈ،کینیا اور افغانستان نے دو،دو جبکہ ایشیاالیون نے ایک کلین سوئپ کیا ہے۔

Check Also

پاکستان سری لنکا سیریز فکسڈ تھی، بڑے انکشاف کے بعد تحقیقات کا آغاز

کرکٹ میں کئی میچ فکسرزاوردیگر کرپٹ آفیشلز کے خلاف بڑی بڑی سزائیں ہوجانے کے بعد …

جواب دیں

آپ کا ای میل ایڈریس شائع نہیں کیا جائے گا۔