جمعرات , 11 اگست 2022

ویرات کوہلی اب امام الحق سے دوسری پوزیشن نہیں چھین سکتا

بھارتی کرکٹ ٹیم کے سابق اوپنر اورموجودہ کمنٹیٹر آکاش چوپڑا نے اعتراف کیاہے کہ پاکستانی اوپننگ بلے باز امام الحق حالیہ عرصے میں ایک بہترین بلے باز کے طورپر سامنے آیاہے جوعالمی ون ڈے بیٹنگ رینکنگ میں دوسرے درجے پر آچکاہے۔

واضح رہے کہ امام الحق نے آسٹریلیااورویسٹ انڈیزکے خلاف پاکستان کی گزشتہ دونوں ون ڈے سیریز کے ٹاپ اسکوررہونے کا اعزاز حاصل کیا اور آئی سی سی ون ڈے رینکنگ میں سابق بھارتی کپتان ویرات کوہلی سے دوسری پوزیشن چھین لی۔

آکاش چوپڑا نے کہاہے کہ موجودہ وقت میں امام الحق، ویرات کوہلی سے چار پوائنٹس آگے ہیں اور مستقل قریب میں ویرات کوہلی کوئی ون ڈے میچ نہیں کھیلنے جارہے جس کی وجہ سے اُن کیلئے جلدی اپنی دوسری پوزیشن واپس لینے کا امکان نہیں۔

واضح رہے کہ یہ تاریخ میں پہلا موقع ہے کہ آئی سی سی ون ڈے بیٹنگ رینکنگ کی ٹاپ ٹو پوزیشنز پر پاکستانی بلے بازوں کا قبضہ ہے جہاں بابراعظم پہلے اور امام الحق دوسرے نمبرپر ہیں۔

اور یہی صورتحال ٹی ٹوئنٹی بیٹنگ رینکنگ میں بھی ہے جہاں بابراعظم پہلے اور محمد رضوان دوسرے نمبرپر موجود ہیں۔

Check Also

پاکستان، نیوزی لینڈ اور بنگلہ دیش ٹی ٹوئنٹی ٹرائنگولرسیریز شیڈول کا اعلان

آئی سی سی ٹی ٹوئنٹی ورلڈکپ 2022سے قبل تین ممالک کے درمیان نیوزی لینڈمیں ہونے …

جواب دیں

آپ کا ای میل ایڈریس شائع نہیں کیا جائے گا۔