پاکستان ٹیم کی آخری اُمید بھی ٹوٹ گئی

آئی سی سی چیمپئنز ٹرافی میں پاکستان کی آج آخری اُمید بھی ٹوٹ گئی جب نیوزی لینڈ نے بنگلہ دیش کو پانچ وکٹوں سے ہراکر آفیشلی طورپر پاکستان کو ٹورنامنٹ سے باہر کردیا

پاکستان اور بنگلہ دیش باہر

اب گروپ اے سے پاکستان اور بنگلہ دیش کی ٹیمیں ٹورنامنٹ سے باہر ہوچکی ہیں جبکہ ان کے درمیان 27 فروری کو راولپنڈی میں شیڈول میچ محض رسمی کاروائی ہوگا۔

گروپ اے سے نیوزی لینڈ اور بھارت کی ٹیمیں سیمی فائنل میں پہنچ گئی ہیں۔ دونوں ٹیمیں اب تک ٹورنامنٹ میں ناقابل شکست ہیں۔ دونوں نے پاکستان اور بنگلہ دیش کو شکستیں دیں تاہم اُن کا آپس میں مقابلہ ہونا باقی ہے۔

بنگلہ دیش کو شکست

بنگلہ دیش کی ٹیم پہلے بیٹنگ کرتے ہوئے 236 رنزبناسکی جبکہ نیوزی لینڈکی ٹیم 15 رنز پر پہلی دو وکٹیں گنوانے کے باوجود انجری کے بعد کم بیک کرنے والے راچن راویندرا کی شاندار سنچری کی بدولت پانچ وکٹوں کے نقصان پر ہدف عبور کرلیا۔