پاک بنگلہ دیش ٹیسٹ کا ٹائم اور کونسے چینلز پر دکھایا جائیگا؟

پاکستان اور بنگلہ دیش کے درمیان دو ٹیسٹ میچز کی سیریزکا کل (21 اگست) سے آغاز ہورہاہے۔ یہ آئی سی سی ورلڈکپ 2024 کے بعد پاکستان کی پہلی انٹرنیشنل اسائمنٹ ہے۔

پاکستان اور بنگلہ دیش کے درمیان سیریزکا پہلا ٹیسٹ 21 سے 25 اگست جبکہ دوسرا ٹیسٹ 30 اگست سے 3 ستمبر تک کھیلا جائے گا اور یہ دونوں ہی میچز راولپنڈی میں کھیلے جائیں گے۔

میچ کا ٹائم اور ٹیلی ویژن نشریات

اس سیریزکے میچز اے اسپورٹس، پی ٹی وی اسپورٹس اور ٹین اسپورٹس پر براہ راست نشر کئے جائیں گے جبکہ میچ میں ٹاس ساڑھے نو بجے ہوگا اور میچ کا آغاز صبح دس بجے ہوگا۔

شائقین کی سہولت کے لیے ٹکٹیں انتہائی معمولی قیمت پر رکھی گئی ہیں اور PCB.tcs.com.pk پر آن لائن دستیاب ہیں۔ مزید برآں  شائقین فزیکل ٹکٹ خرید سکتے ہیں جو  پیر سے ایوی ایشن گراؤنڈ میں واقع ٹکٹ بوتھ، بالمقابل ریسکیو 1122، راول روڈ پر دستیاب ہیں۔