پاک بنگلہ دیش پہلا ٹیسٹ شروع نہ ہوسکا

راولپنڈی میں آج پاکستان اور بنگلہ دیش کے درمیان آج پہلا ٹیسٹ میچ شروع ہونا تھا جوکہ گرائونڈ کی آئوٹ فیلڈ گیلی ہونے کی وجہ سے تاخیرکا شکار ہوگیاہے۔

نہ صرف پاکستان اور بنگلہ دیش کے درمیان پہلا ٹیسٹ بلکہ دونوں ممالک کی اے ٹیموں کے مابین دوسرے چارروزہ میچ کے دوسرے دن بھی کھیل شروع نہیں ہوسکا حتیٰ کہ ٹاس تک نہیں ہوسکا۔

ٹاس کا فیصلہ

رپورٹ کے مطابق پہلے ٹیسٹ میچ سے قبل گیلی آؤٹ فیلڈ کے باعث ٹاس تاخیر کا شکار ہوا تاہم اب ٹاس کا فیصلہ امپائرز گراؤنڈ کی صورتحال کو دیکھتے ہوئے مقامی وقت کے مطابق ایک بجے دوپہر کریں گے۔اس سے قبل آخری معائنہ 12 بجے کیا گیا تھا۔

دوسری جانب امپائرز نے میچ میں تاخیر کی وجہ سے کھانے کا وقفہ بھی جلدی کردیا ہے تاکہ میچ کا تسلسل قائم رکھا جاسکے۔

 واضح رہے کہ پاکستانی ٹیم بنگلادیش کے خلاف پہلے ٹیسٹ میچ میں 4 فاسٹ بولرز کے ساتھ میدان میں اترے گی۔

گزشتہ روز دونوں ٹیموں کے کپتانوں شان مسعود اور نجم الحسن شانتو نے ٹرافی کی رونمائی کی تقریب میں حصہ لیا تھا۔

پاکستان کی پلیئنگ الیون:

1. عبداللہ شفیق
2. صائم ایوب
3. شان مسعود
4. بابراعظم
5. سعود شکیل
6. محمد رضوان
7. سلمان علی آغا
8. شاہین شاہ آفریدی
9. نسیم شاہ
10. خرم شہزاد
11. محمد علی