پاکستانی فاسٹ بولر نسیم شاہ اداکار بن گئے؟

رواں سال دورۂ نیدرلینڈز اور ایشیاکپ 2022میں تباہ کن بولنگ سے اپنی پہچان بنانے والے پاکستانی فاسٹ بولر نسیم شاہ کے حوالے سے سوشل میڈیاپر یہ خبر گردش کررہی ہے کہ نسیم شاہ نے کرکٹ کے ساتھ ساتھ اداکاری میں بھی قدم رکھ دیاہے۔

نسیم شاہ سے جڑی اس خبر کی وجہ سابق بولنگ کوچ وقاریونس کا ٹوئٹ ہے جس میں انہو ں نے لکھا کہ ’سب متوجہ ہوں کچھ بڑا آرہا ہے، نسیم شاہ صرف بہت اچھے کرکٹر ہی نہیں بلکہ اچھے اداکار بھی ہیں‘۔

Stay Tuned Everyone Something BIG’s coming up @iNaseemShah not only an excellent Cricketer but also a very good Actor♥️ pic.twitter.com/nqprJJe7xD

— Waqar Younis (@waqyounis99) November 22, 2022

وقار یونس کی جانب سے اس ٹوئٹ کے بعد صارفین میں ایک نئی بحث چھڑ گئی اور صارفین نے مختلف تبصروں کے ذریعے صورت حال کو سمجھنے کی کوشش کی۔زیادہ تر لوگوں نے یہی اندازہ لگایا کہ نسیم شاہ اب اداکاری بھی شروع کررہے ہیں لیکن کچھ کے نزدیک وہ کسی اشتہار میں کام کرنے کیلئے بطور ماڈل اداکاری کررہے ہوں گے۔