بابراعظم کی غلطی۔پاکستان ٹیم پر جرمانہ

پاکستان اور ویسٹ انڈیز کے درمیان دوسرے ون ڈے میچ میں کپتان بابراعظم کی غلطی کےباعث مہمان ٹیم کو 5 رنزدے دئیے گئے۔

ملتان میں دوسرے ون ڈے میں ویسٹ انڈیز کی ٹیم پاکستان کے دئیے گئے ہدف کا تعاقب کررہی تھی۔

اس دوران 29 ویں اوور میں اسپنر محمد نواز گیند کروانے آئے۔ الزاری جوزف نے گیند کا سامنا کیا اور لیگ سائیڈ پر شاٹ مار کر ایک رن اسکور کیا۔
فیلڈر نے گیند کو وکٹ کی جانب پھینکا تو بابر اعظم نے وکٹ کیپر کے گلوز سے گیند روک لی۔

A rare thing happened tonight. West Indies were awarded 5 penalty runs due to illegal fielding by Pakistan.

Laws of cricket:

28.1 – No fielder other than the wicket-keeper shall be permitted to wear gloves or external leg guards. #PakvWI pic.twitter.com/WPWf1QeZcP

— Mazher Arshad (@MazherArshad) June 10, 2022

کرکٹ قوانین کی روشنی میں وکٹ کیپر کے علاوہ کسی بھی فیلڈر کو گلوز یا لیگ گارڈ پہننے کی اجازت نہیں ہوتی ہے اور ایسا کرنے کی صورت میں دوسری ٹیم کو پنالٹی رنز دئیے جاتے ہیں۔

جس وقت یہ معاملہ پیش آیا،پاکستان کی میچ پر گرفت مضبوط تھی اور ویسٹ انڈیز کے 7 وکٹ گر چکے تھے۔

ویسٹ انڈیز کو 5 رنز دئیے گئے تاہم پھر بھی مہمان ٹیم 120 رنز سے میچ ہار گئی اور پاکستان نے 3 میچوں کی سیریز میں دو صفر کی فیصلہ کن برتری حاصل کرلی