Breaking News

نیوزی لینڈ کیخلاف سیریزنہ کھیلنے والے بابراعظم کی ٹی ٹوئنٹی رینکنگ کو بڑا دھچکا

انجری کے سبب نیوزی لینڈ کے خلاف ٹی ٹوئنٹی سیریزمیں حصہ نہ لے پانے والے پاکستانی کپتان بابراعظم کی آئی سی سی ٹی ٹوئنٹی بیٹنگ رینکنگ کو بڑا دھچکا لگا ہے جن کی دوسری پوزیشن خطرے میں پڑگئی ہے۔

پاکستان اور نیوزی لینڈ کے درمیان ٹی ٹوئنٹی سیریز کے آغاز سے قبل عالمی نمبر2بیٹسمین بابراعظم کے ریٹنگ پوائنٹس871تھے اور اُمیدتھی کہ وہ نیوزی لینڈکے خلاف ٹی ٹوئنٹی سیریزمیں اچھی کارکردگی دکھاکر اپنے ریٹنگ پوائنٹس عالمی نمبرون ڈاوڈملن سے قریب ترکرلیں گے لیکن وہ انگوٹھے کی انجری کے سبب سیریزمیں حصہ نہ لے جس کا خمیازہ اب انہیں 51 قیمتی ریٹنگ پوائنٹس کی کٹوتی کی صورت میں بھگتنا پڑاہے۔ جس سے اُن کے ریٹنگ پوائنٹس 871 سے کم ہوکر 820رہ گئے ہیں۔

بابراعظم کی دوسری پوزیشن بھی خطرے میں پڑگئی

51پوائنٹس کی کٹوتی کے سبب اب بابراعظم کی دوسری پوزیشن بھی خطرے میں پڑگئی ہے کیونکہ تیسرے درجے پر موجود بھارتی بیٹسمین لوکیش راہول اُن سے صرف چار جبکہ آسٹریلوی کپتان آرون فنچ صرف 12پوائنٹس پیچھے ہیں جو اچھی کارکردگی دکھاکر باآسانی بابراعظم سے دوسری پوزیشن چھین سکتے ہیں۔

Check Also

عمراکمل کی بیگم کا دعویٰ،جھوٹا یا سچا؟

عمر اکمل کی بیگم کا دعویٰ ہے کہ پاکستان کرکٹ کی تاریخ میں اُس کے …

جواب دیں

آپ کا ای میل ایڈریس شائع نہیں کیا جائے گا۔