دوسرے ون ڈے کیلئے پاکستانی اسکواڈکا اعلان

زمبابوے کے خلاف دوسرے ون ڈے میچ کے لیے 15 رکنی قومی اسکواڈ کا اعلان کردیا گیا ہے۔قومی اسکواڈ کا اعلان قومی کرکٹ ٹیم کے ہیڈ کوچ مصباح الحق نے کیا۔اسکواڈ میں صرف ایک تبدیلی کی گئی ہے، ان فٹ حارث سہیل کی جگہ نوجوان حیدر علی کو اسکواڈ میں شامل کیا ہے،حارث سہیل ابھی مکمل فٹ نہیں ہوئے۔

ہیڈکوچ مصباح الحق کا کہناتھا کہ شاداب خان نے ابھی ٹریننگ کا آغاز کیا ہے، دوسرے ون ڈے میں بھی انہیں آرام دے رہے ہیں۔

دوسرے ون ڈے میچ میں پاکستان کا پندرہ رکنی اسکواڈ ان کھلاڑیوں پر مشتمل ہوگا۔
کپتان بابر اعظم، امام الحق اور عابد علی ،فخر زمان، حیدر علی، محمد رضوان، افتخار احمد ،خوشدل شاہ ،فہیم اشرف، عماد وسیم، عثمان قادر، وہاب ریاض، شاہین آفریدی، حارث رؤف اور موسی خان۔

پاکستان اور زمبابوے کے مابین دوسرا ون ڈے میچ کل بروز اتوار کو پنڈی کرکٹ اسٹیڈیم راولپنڈی میں کھیلا جائے گا۔